Геаметрыя

Усякая кропка — кола
усякая лінія — адрэзак кола
усякае кола — адрэзак трубы
усякая труба замыкаецца ў кола

сьцяжына звужаецца адпавена з адлегласьцю
лінія тлусьцее ў трохкутнік
тры бакі імкнуцца да трохмернасьці
піраміда фармуецца, каб прабіць кулю

сфэры зямлі й неба
круцяцца адносна адна адной:
неба віхурыць, зямля кружляе,
як шасьцярэнькі ў гадзіньніку

у прасторы часу
памер памёр