Перапіс грахоў
Пімен Панчанка
Пачаўся перапіс грахоў:
Іх як калосся ў жыце...
Усе грахі сваіх сяброў,
Суседзяў, саслужыўцаў,
Дзяцей малых,
Бацькоў старых,
Буфетчыц на вакзале
і падначаленых сваіх —
3 прыемнасцю назвалі.
Той хабару начальству даў,
Той пажывіўся ў касе,
Той спекульнуў,
Той недадаў,
Той «Жыгулі» свае прадаў
Выгодна на Каўказе.
0, выкрывацелі грахоў,
Цаню я вашу смеласць!
Тут мала ўжо прамоў.
Вымоў:
Здымаць пара наспела.
Я рукавы ўжо закасаў,
Ды стала мпе нядобра:
Ніхто, ніхто не запісаў
Свой грэх, хоць самы дробны.
