Шчаслівы дзень
Максім Танк
Завяралі старэйшыя, што імі
Ўжо вырашаны праблемы
Праўды, няпраўды,
Дружбы, кахання,
Жыцця і смерці...
I я быў засумаваў,
Што мне яны
Нічога не пакінулі,
Але аднойчы, усумніўшыся
У нейкай дробнай ісціне,
Я пачаў правяраць,
I аказалася:
Усё — ад альфы да амегі —
Трэба мне вырашаць
Нанава.
I гэта быў
Мой самы шчаслівы дзень.
Настрой верша:натхнёны
Ключавыя словы:
