пункт незваротнасці

хацелася інтэлектуальнага гумару ці моцнай жыццёвай сатыры закрываў вочы на бл...тва аднагрупніц і аднакласнікаў былых свінства быў гатоў да любога выкінутага лёсам нумару ды стала страшна калі ў трыццаць чатыры ад бухла памёр сябар дзяцінства

кожнае імгненне мае свой пункт незваротнасці можна экспрэсам праляцець праз маладосць так і не дазнацца хто ты на самай справе ёсць а пасля сусвет палягае зусім у іншай плоскасці

магчыма недзе на шляху млечным мы будзем жыць вечна але тут і цяпер зусім іншае сніцца разбіты аб падводныя рыфы карабель раструшчаная ў руках сініца расстраляны ў небе журавель